Sraith nua a thabharfaidh léargas ar an méid a bhí ar bun ag ceithre chlub GAA i rith na bliana 2018.
Le 2,500 cumann cláraithe ar oileán na hÉireann, is é Cumann
Lúthchleas Gael, an eagraíocht cultúir agus spóirt is mó againn. Is beag
paróiste nach bhfuil cumann ann agus dá réir is é an cumann áitiúil
bunrúta na heagraíochta agus an phobail áitiúil. Sa tsraith 6 clár seo
rachaidh muid ar chúl dhathannaí na gcumann CLG chun léargas a fháil ar
na pobail, na teaghlaigh agus ar na heachtraí a thiteann amach i
gceithre chumann éagsúla le linn na bliana 2018 - CLG na Gaeltachta i
gCiarraí, Na Piarsaigh i nGaillimh, Na Dúnaibh i nDún na nGall agus Cill
Mochuda- na Crócaigh i mBaile Átha Cliath.
I mí Eanáir 2018, tá Cumann Caide na Gaeltachta ar an mbealach chuig
cluiche leathcheannais idirmheánach na gclubanna, iad ag súil áit a
fháil sa gcluiche ceannais agus ar dheis imeartha ar Pháirc an
Chrócaigh. Thiar i gConamara tá Corn Liam Mhic Cárthaigh tagtha chomh
fada le Cumann Peile na bPiarsach an oíche chéanna a bhfuil an chéad
seisiún traenála ag na gasúir faoi 8. Ó thuaidh sna Dúnaibh, táthar ag
ullmhú do Chomórtas Peile na Gaeltachta, onóir mhór ach tá obair mhór le
déanamh roimhe sin. San ardchathair tá fadhb ag an gcumann is mó sa
tír, Coill Mhochuda-Na Crócaigh, nach bhfuil dóthain páirceanna imeartha
acu.
Giotaí ó na clubanna:
Na Piarsaigh https://grabyo.com/g/v/gdYM6GDvGy8
Na Dúnaibhhttps://grabyo.com/g/v/s2Tq6PuC3iN
Coill Mhocuda Na Crócaigh https://grabyo.com/g/v/jiY6geT6FJc
An Ghaeltacht https://grabyo.com/g/v/UxT3eMrQJ66
